విశాలాక్షి అన్నపూర్ణ

అడిగిన కాదనలేనిది అమ్మా నీకరుణ 

అడిగిన కాదనలేనిది అమ్మా నీ కరుణ, 
విశాలాక్షి అన్నపూర్ణ విశ్వేశ్వర లలనా...

ఆదిభిక్షకుని పాత్రకు ఆదిభుక్తినందించిన ఆదిమ గృహిణీ జగతినాదరించు తల్లీ..
శివార్పణమ్మైన సిరులు సిద్ధమైన ప్రసాదములు వడ్డించుమ జననీ మా జీవన పాత్రలలో!!అడిగిన!!

నీవిచ్చిన ఈ బిచ్చమె ఙ్ఞాన వైరాగ్యములిడు ఆ ఫలమే కైవల్యము.. అమ్మా! అది నీ పదము.
కన్న శిశువు ఆకలి కనుగొన్న తల్లి నీవే
ఆగని మా ఏడుపులను ఆపి ఏలుకోవే!!అడిగిన!!