శ్రీ చంద్రశేఖరాష్టకమ్

శ్రీ చంద్రశేఖరాష్టకమ్
చంద్రశేఖర! చంద్రశేఖర! చంద్రశేఖర! పాహిమామ్|
చంద్రశేఖర! చంద్రశేఖర! చంద్రశేఖర! రక్షమామ్.

రత్నసానుశరాసనం రజతాద్రిశృంగనికేతనం|
శింజినీకృతపన్నగేశ్వర మచ్చుతానలసాయకం| 
క్షిప్రదగ్దపురత్రయం త్రిదశాలయై రభివందితం|
చంద్రశేఖర మాశ్రయే మమ కిం కరిష్యతి వై యమః

పంచపాదపపుష్పగంధపదాంబుజద్వయశోభితం|
ఫాలలోచనజాతపావకదగ్దమన్మథవిగ్రహం|
భస్మదిగ్ధకలేబరం భవనాశనం భవ మవ్యయం|
చంద్రశేఖర మాశ్రయే మమ కిం కరిష్యతి వై యమః

మత్తవారణముఖ్యర్మకృతోత్తరీయమనోహరం|
పంకజాసనపద్మలోచనపూజితాంఘ్రిసరోరుహమ్
దేవసింధుతరంగశీకరసిక్తశుభ్రజటాధరం|
చంద్రశేఖర మాశ్రయే మమ కిం కరిష్యతి వై యమః

యక్షరాజసఖం భగాక్షహరం భుజంగవిభూషణం|
శూలరాజసుతాపరిష్కృతచారువామకళేబరమ్|
క్ష్వేలనీలగళం పరశ్వథధారిణం మృగధారిణమ్|
చంద్రశేఖర మాశ్రయే మమ కిం కరిష్యతి వై యమః

కుండలీకృతకుండలీశ్వరకుండలం వృషవాహనం|
నారదాదిమునీశ్వరస్తుతవైభవం భువనేశ్వరమ్|
అంధకాంతక మాశ్రితామరపాదపం శమనాంతకం
చంద్రశేఖర మాశ్రయే మమ కిం కరిష్యతి వై యమః

భేషజం భవరోగిణా మఖిలాపదా మహహారిణం|
దక్షయజ్ఞవినాశనం త్రిగుణాత్మకం త్రివిలోచనమ్|
భుక్తిముక్తి ఫలప్రదం సకలాసంఘనిభర్హణం
చంద్రశేఖర మాశ్రయే మమ కిం కరిష్యతి వై యమః

భక్తవత్సల మర్చితం నిధి మక్షయం హరిదంబరం|
సర్వభూతపతిం పరాత్పర మప్రమేయ మనుత్తమం|

సోమవారిన బోహుతాశనసోమపానిలఖాకృతిం|
చంద్రశేఖర మాశ్రేయే మమ కిం కరిష్యతి వై యమః

విశ్వసృష్టివిధాయినం పునరేవ పాలనతత్పరం|
సంహరంతమపి ప్రపంచ మశేషలోక నివాసినమ్|
క్రీడయంత మహర్నిశం గణనాథయూథసమన్వితం|
చంద్రశేఖర మాశ్రయే మమ కిం కరిష్యతి వై యమః

మత్యుభీతమృకండుసూనుకృతం స్తవం శివసంనిధౌ|
యత్ర కుత్ర చ యః పఠే న్న హి తస్య మృత్యుభయం భవేత్|
పూర్ణ మాయు రరోగతా మఖిలార్థసంపద మాదరం|
చంద్రశేఖర ఏవ తస్య దదాతి ముక్తి మయత్నతః