"శ్రీవారి అభిషేకం - శ్రీపాదతీర్ధం(ప్రతి శుక్రవారం)

"శ్రీవారి అభిషేకం - శ్రీపాదతీర్ధం( పులికాపుతీర్ధం)

                                                                                           

    శుక్రవారం అభిషేకంలో శ్రీవేంకటేశ్వరస్వామివారిి మూలమూర్తికి 84 తులాల పచ్చకర్పూరం, 36 తులాల కుంకుమపువ్వు, 1 తులం కస్తూరి, 1.5 తులం పునుగు తైలం, 24 తులాల పసుపు పోడి మున్నగు పరిమళ ద్రవ్యాలు ఉపయోగిస్తారు. వీటితో శ్రీవారికి అభిషేకం చెయ్యగా వచ్చే తీర్ధాన్ని "పులికాపుతీర్ధం (శ్రీ పాదతీర్ధం)" అంటారు. ఈ తీర్ధాన్ని అభిషేకంలో పాల్గొనే భక్తులుపై సంప్రోక్షిస్తారు. ఈ తీర్ధాన్ని శ్రీవారి భక్తులు తీర్ధంగా స్వీకరిస్తారు (TTD వారు Bottles లో వేసి అభిషేకంలో భక్తులందరికీ ఈ తీర్ధం ఇస్తారు). ఈ హరిపాద తీర్ధ మహిమను గూర్చి 'అన్నమయ్య' ఇలా కీర్తించాడు.

"శ్రీహరిపాదతీర్ధంబే చెడని మందు
మోహపాసాలు గోసి మోక్షమిచ్చే మందు

కారమై కంటగించని కడు చల్లని మందు
నూరని కాచనియట్టి నున్నని మందు
కోరికతో వెలవెట్టి కొని తేవల్లని మందు
వేరు వెల్లంకులు కూర్చనట్టి వెందువోని మందు

గురుతైన రోగములు గుణముచేసే మందు
దురితములు పెడబాపే దోడ్డ మందు
నిరతము బ్రహ్మాదులు నేరుపుతో సేవించే మందు
నరకము సొరమట్టి నయమయిన మందు

"ఓం నమో వేంకటేశాయ"
"ఓం నమో వేంకటేశాయ"
"ఓం నమో వేంకటేశాయ"!!