శ్రీరామ‬ భక్తుడు శ్రీఅంజనేయుడు

‪‪శ్రీరామ‬ జయరామ జయజయరామ!
శ్రీరామ శరణం మమ. శుభం భూయాత్!!
శ్రీ హనుమాన్ జయ హనుమాన్ జయ జయ హనుమాన్ !!శ్రీరామ‬ భక్తుడు శ్రీఅంజనేయుడు....

ఏ అవతారమయినా లోకరక్షణార్ధమే....
ఏలోకంలోనైనా భక్తి తత్వం విశిష్టమైనది. అది లేకుండా ఎవ్వరూ పునీతులుకారు. ఈ భక్తితత్వం అలవాటుగా వచ్చేది కూడా కాదు. పురాకృత పుణ్యవిశేషం వల్ల, మహనీయుల సందర్శనం వల్ల, సత్సాంగత్యం వల్ల భక్తి తత్వం పరిపుష్టమవుతుంది. మనోవాక్కాయ కర్మల్ని చిత్తశుద్ధితో ఆచరిస్తే అదే సత్యమవుతుంది. ఆ సత్యస్వరూపమే భగవంతుడు. భగవంతుని దర్శించడానికి భక్తితత్వమే ప్రాతిపదిక. స్థిరమైన భక్తికున్న శక్తి భగవత్శక్తిని మించినదనడంలో అతిశయోక్తి లేదు. మోహం నశిస్తేనే గానీ, భక్తి అబ్బదు.

లోకంలో జన్మించిన మహనీయులెందరో నిశ్చల భక్తితో భగవన్నామ స్మరణయందే తమ సంపూర్ణ కాలము వెచ్చించి, మహామహితాత్ములై ప్రసిద్ధి చెందారు. అట్టివారిలో మొట్టమొదట చెప్పుకోదగినవారు, రామభక్తి సామ్రాజ్యంలో నిరంతరం శ్రీరామనామోచ్ఛారణతో ఆయన పాదాల వద్ద తన జీవిత సర్వస్వం పునీతం చేసుకున్నవాడు శ్రీఆంజనేయస్వామి వారు.

జయ హనుమాన్
శ్రీ ఆంజనేయ మంగళస్తుతి
[స్వామికి కర్పూరహారతి నిచ్చుచుగాని, విడిగాగాని దీనిని పఠించుట శ్రేయము.]

కపి శ్రేష్టాయ శూరాయ – సుగ్రీవ ప్రియమంత్రిణే
జానకీశోక నాశాయ – ఆంజనేయాయ మంగళమ్||

మనోవేగాయ ఉగ్రాయ – కాలనేమి విదారణే
లక్ష్మణ ప్రాణదాతాయ – ఆంజనేయాయ మంగళమ్||

మహాబలాయ శాంతాయ – దుర్దండీ బంధమోచనే
మైరావణ వినాశాయ – ఆంజనేయాయ మంగళమ్||

పర్వతాయుధ హస్తాయ – రక్షఃకుల వినాశినే
శ్రీరామ పాద భక్తాయ – ఆంజనేయాయ మంగళమ్||

దీర్ఘ వాలాయ వాలాయ – లంకాపుర విదారణే
లంకిణీ దర్పనాశాయ – ఆంజనేయాయ మంగళమ్||

నమస్తే బ్రహ్మచర్యాయ – నమస్తే వాయుసూనవే
నమస్తే గానలోలాయ – ఆంజనేయాయ మంగళమ్||

ప్రభావాయ సురేశాయ – శుభదాయ శుభాత్మనే
వాయుపుత్రాయ ధీరాయ – ఆంజనేయాయ మంగళమ్||

—- మంగళమ్ —-

రామ రామ యనరాద రఘుపతి రక్షకుడని వినలేదా
కామజనకుని కథ వినువారికి కైవల్యంబే కాదా

ఆపద్బాంధవుడగు శ్రీరాముని ఆరాధించగ రాదా
పాపంబులు పరిహారమొనర్చెడి పరమాత్ముండే కాదా

సారహీన సంసార భవాంబుధి సరగున దాటగ రాదా
నీరజాక్షుని నిరతము నమ్మిన నిత్యానందమే కాదా

వసుధను గుడిమెళ్లంకను వెలసిన వరగోపలుడె కాదా
పసివాడగు శ్రీ రంగదాసుని పాలించగ వినలేదా!!

‪యత్ర‬ యత్ర రఘునాథకీర్తనం - తత్ర తత్ర స్తుతమస్తకాంజలిమ్
భాష్పవారి పరిపూర్ణలోచనం - మారుతిం నమత రాక్షశాంతకామ్!!

"యెక్కడెక్కడ శ్రీరామ సంకీర్తన జరుగునో, అక్కడక్కడ మారుతి ఆనందబాష్పములునిండిన కళ్ళతో, చేతులు తలపై జోడించి నాట్యం చేస్తూ ఉండును"