యుగళగీతం

శ్లో: యశ్శివో నామరూపాభ్యాం యా దేవీ సర్వమంగళా
      తయో: సంస్మరణాత్ నిత్యం సర్వతో జయమంగళం
ఏ పనినైనా ప్రారంభించే ముందు, ప్రయాణం ముందు ఈ శ్లోకం చదివి ఆదిదంపతులైన పార్వతీపరమేశ్వరులను స్మరిచ్ణుకోవటం ఉత్తమమైన ఆచారం.
శివుడు ఆనందస్వరూపుడు.శబ్దార్థములలో అర్థమునకు అధిస్ఠాన దేవత, సర్వాత్మకుడు.సర్వమంగళ-పార్వతి వాగధిస్ఠాన దేవత-శబ్దప్రపంచమునకు అధిష్ఠాన దేవత. పార్వతీపరమేశ్వరులను ఆరాధించిన రమణీయములగు శబ్దార్థములు స్ఫురించును. ఆరాధన, పూజ, జపస్తుతి,కీర్తనములు, ధ్యానము…వీటిలో పూజ కాయికము (శరీరము చేయునది). జప, స్తుతి, కీర్తనములు వాచికములు (వాక్కుతో చేయునవి), ధ్యానము మానసము.
పార్వతియే గౌరి. వివాహాదులందు గౌరి పూజ ప్రసిధ్ధము. అన్యోన్యానురాగమును ఈ పూజ వర్ధిల్లజేయును. నామజపము, స్తోత్రపాఠము, నామ సంకీర్తనము దురితక్షయము చేసి వాక్ శుధ్ధికి కారణమగును.ఈశ్వరానుగ్రహము సిధ్ధింపజేయును…
యుగము అనునది యోగము నుండి ఉద్భవించినది. యుగళగీతమన్నా ఇద్దరు కలసి పాడునది. ఈ సృష్టి యావత్తూ పార్వతీ పరమేశ్వరులు కలసి పాడు యుగళగీతమే!

పార్వతి త్రిశకులులలో మూడవ శక్తి . . . పరమేశ్వరుని భార్య. యుగమనునది యోగము నుండి ఉద్భవించినది . ఈ జగత్తులో పారవతి పరమేశ్వరులు కలిసే ఉనంటారు . ఈ సృస్టి యావత్తూ పార్వతీ పరమేశ్వరులు కలిసి పాడే యుగళగీతమే .
పార్వతీ దేవి మేనకా దేవి - హిమవంతులకు చైత్రమాసం .. శుక్ల పక్షము నవమినాదు ఆరుద్రా నక్షత్రం లో జన్మించారు . మూడు కన్నులతో, నాలుగు బుజాలతో పుట్టిన జగదీశ్వరిని చూసి ఆ తల్లి మురిసిపోయింది. ''అమ్మా! మేము సామాన్యులం. నీవు దివ్య శక్తి సమన్వితురాలవు. ఈ తేజస్సును, ఈ రూపాన్ని మేము భరించలేము. నీవు కూడ మా మాదిరిగ సామాన్య రూపాన్ని ధరించి, మా కానందం కలిగించు తల్లీ!'', అని ప్రార్థించింది. తల్లి పలికిన పలుకులు విని, ఆ ముగ్గురమ్మల మూలపుటమ్మ, సామాన్య శిశువు యొక్క రూపాన్ని పొందింది. ఆ శిశువు పర్వతరాజపుత్రిక కనుక పార్వతి అని, హిమవంతుని కుమార్తె కనుక, హైమవతి అని , గిరి కన్యకగా గిరిజ అని అనేక విధాల పేర్లతో వ్యవహరింపబడుతూ దినదిన ప్రవర్థమాన కాజొచ్చింది.

హిందూ సంప్రదాయంలో శక్తిగా, దుర్గగా అర్చింపబడే దేవత. త్రిమూర్తులలో ఒకరైన శివుని భార్య . భవాని, అంబిక, లలిత, అమ్మ, దాక్షాయణి, కాత్యాయిని, గౌరి, భైరవి, అపర్ణ, కాళి, శ్యామ, ఉమ వంటి ఎన్నో పేర్లతో కొలువబడుతుంది. వినాయకుడు, కుమార స్వామి పార్వతీ పరమేశ్వరుల బిడ్డలు.